Perdorimi i Dytide H (Triamteren+Hydrochlorthiazide 50 + 25mg)

Triamteren + Hidrochlorthiazid

Formë Doza: Tablete 50 mg/25 mg

Emri Gjenerik: Triamteren + Hidroklortiazid

Emri tregëtar: Dytide H

Indikacionet dhe Kriteret e përdorimit:

Triamteren + Hidroklortiazid 50 mg/25 mg është nje medikament diuretik, që ruan nga humbjet e kaliumit, që përdoret për vetitë antihipertensive.

Përbërësit aktiv të Dytide H 50mg/25 mg janë triamteren dhe hidroklortiazid.

Ky medikament rekomandohet:

• Në hipertension.
• Edema
• Në insufiçiencë kardiake.

Kundërindikacionet:

Nuk jepet bari nëse:

• Në qoftë se pacienti është i ndjeshëm (alergjik) ndaj triamterenit, hidroklortiazidit ose ndaj ndonjërit prej përbërësve të tjerë të preparatit.
• Në qoftë se pacienti vuan nga hiperkalemia apo hiperkalcemia.
• Në qoftë se pacienti vuan nga insufiçenca renale progresive.
• Në qoftë se pacienti ka një çrregullim në rritje të funksionit të heparit.
• Në qoftë se pacienti vuan nga ketoacidoza diabetike.
• Në qoftë se pacienti vuan nga sëmundja Adison.
• Më e mira është që të evitohet përdorimi i Dytide H 50mg/25 mg gjatë shtatzanisë, sepse është parë që si triamtereni edhe hidroklortiazidi kalojnë placentën dhe gjithashtu kalojnë edhe në qumështin e gjirit. Gjatë shtatzanisë mos e mermi Dytide H 50mg/25 mg apo ndonjë medikament tjetër pa u konsultuar më parë me mjekun tuaj.
• Dytide H 50mg/25 mg nuk duhet përdorur tek nënat që ushqejnë fëmijët me gji.

Nuk duhen dhënë rregullisht, me Triamteren+Hidroklortiazid (Dytide H) 50mg/25 mg preparatet shtesë të kaliumit apo barnat e tjerë që ruajnë kaliumin në organizëm.

Efektet anësore:

Nauzea, të vjella, diarre, ngërçe të/muskujve, dobësi, marrje mendsh, dhimbje koke, tharje të gojës, etje, ulje e padëshiruar e tensionit të gjakut si dhe rash. Fotosensibilizimi dhe lupus eritematoz sistemik janë raportuar rrallë. Anafilaksia është një nga efektet anësore të barit që mund të ndodhi shumë rrallë.

Luhatjet në përqendrimin e kaliumit në serum janë të pazakonta dhe rrallëherë janë vënë re ndryshime të vogla në përqendrimin e elektroliteve në serum. Mosbalancimi i përqëndrimit e elektroliteve mund të jetë një tregues i mundshëm i mbidozimit.

Acidoza metabolike është një tjetër efekt anësor që ndodh nganjëherë. Si efekte anësore mund të shfaqen edhe hiperglicemia, rritja e nivelit të acidit urik të cilat shpeshherë çojnë në shfaqjen e sëmundjes së gutës, por mund të shfaqet edhe hiperkalcemi.

Ashtu si dhe diuretikët e tjerë, Triamteren+Hidroklortiazid (Dytide H) 50mg/25 mg mund të zvogëlojë filtrimin glomerular dhe të shkaktojë rritje të përkohshme të uresë në gjak si dhe të niveleve të kreatininës; çka gjithashtu mund të shërbejë si një indikator i marrjes së një doze të tepërt të barit.

Shumë rrallë janë raportuar raste të insufiçiensës renale, e cili largohet me ndërprerjen e mjekimit, dhe ka qenë si pasojë e një nefriti intersticial akut apo si rezultat i ndërveprimit të triamteren me disa NSAIDS (Antiinflamatorët jo steroide).

Triamtereni është gjetur edhe në guret e veshkave, i vetëm apo i shoqëruar me përbërësit e tjerë të gurëve të veshkave. Por, nuk ka prova që rreziku i formimit të gurëve në veshka rritet tek pacientët që mjekohen me bara me përmbajtje triamterenin.

Gjatë mjekimit me triamteren janë raportuar rrallë janë raportuar raste të trombocitopenisë purpure dhe anemisë megaloblastike.

Nga përdorimi i vetëm i tiazidikëve janë raportuar si efekte anësore hepatiti, pankreatiti akut, dhe rrallë diskrazi duke përfshirë edhe agranulocitozë, trombocitopeni dhe leukopeni.

Shume rrallë janë raportuar raste të pneumonitit intersticial akut dhe edemës pulmonare jo me origjinë kardiake.

Doza dhe mënyra e përdorimit:

Të rriturit: Ne Hipertension: Në fillim të trajtimit merr 1 tabletë në mëngjes (pas ushqimit) dhe 1 tabletë në drekë (mbas ushqimit).

Doza mbajtëse: mbas vendosjes së diurezës (fillimit të shtimit të urinës), doza e medikamentit duhet reduktuar ne ½ e tabletës ose 1 tabletë në ditë, sipas nevojës.

Të rriturit: Në mjekimin e edemave: Fillimisht merrni 1 ose 2 tableta (sipas përshkrimit të mjekut) në mëngjes dhe drekë, mbas ushqimit. Më pas, doza vendoset në përputhje me gjendjen e pacientit.

Doza mbajtëse: Një dozë prej ½ e tabletës në ditë ose 1 tabletë në ditë është e mjaftueshme. Medikamenti duhet marrë mbas ushqimit.

Në përputhje me nevojat e pacientit doza mund të rritet deri në 2 tableta në ditë, mëngjes dhe drekë mbas ushqimit.

Të rriturit: Në insufiçiensen kardiake: 1 tabletë në ditë mbas ushqimit në mëngjes ose 2 tableta në ditë (në mëngjes dhe drekë, mbas ushqimit). Pacientët me dëmtim të funksionit të veshkave: Shiko tabelën e mëposhtme.

Pacientët me vlera të kreatininës në serum 1.5 – 1.8 mg/100 ml që i korrespondojnë një klirensi të kreatininës prej 50-30 ml/min nuk duhet të marrin më shumë se ½ tabletë në ditë.

Fëmijët: Nuk rekomandohet përdorimi i këtij medikamenti në fëmijë.

Kohëzgjatja e mjekimit:

Bari duhet dhënë vazhdimisht sipas rekomandimit të mjekut, ndëprerja apo ndryshimi i dozës së barit bëhet kur shfaqen efektet anësore të tij, gjithmonë duke u konsultuar paraprakisht me mjekun.